Sastra Tutur,kesenian KAB.Musi Banyuasin yang harus di lestarikan di 22.03

BUJANG PANGAYAU

CIPTAAN: AMININ TRIO AMIGO

ASSALAMU’ALAIKUM Wr.Wb…

OI WAK MAMAK KUPIK KUYUNG,SAGALEK YANG ADE DI SIKAK,KECIK BESOK TUE MUDE,KAMI NUMPANG BACARITO,,IKAK CERITO BUJANG PANGAYAU.

BUKAN BUJANG SAGALEK BUJANG,ADE BUJANG TUNAK DEGING,ADE PULEK BUJANG HOBY NGAYAU,DAI KAMPUNG MERAIH KAMPUNG,DAI DUSUN MERAIH DUSUN,NGABESKE AGHAI SERTE BULAN,GEWENYE HOBY BARANGGA NGAYAU ANTAU…….

SELAME NGAYAU ANTAU,BANYAK SEK TEMU SERTE PANGELIK,KADANG KALE POPOK NGEN GADES BALAGAK,ADE KALE ASEK NDAK LINJANG LUM TENTU WANG LINJANG DI TUBUK .

CERITO ZAMAN DULU,DAK, NYAMEK ZAMAN MIKAK,OLEH ANTARE DUSUN JALAN SETAPAK, ANDUN BAE BAKARETO ANGEN,NGUNDE KETEK ATAU PARAU,OLEH ZAMAN LOM MAJU…………

AI ANDUN NGUNDE PARAU,OLEH NEKAD NDAK BATEMU DI KULE,MUDIK ANTAU MARENTAS TANJUNG,NGEKUK KE BIDUK PANJANG TIGE,BIDUK NGAS PANGAYO LEBAN,BASSATANG BULU DABUK,LEMAK BAE AMAN ANDUN NGARAH KULU DUSUN,ILO TINGGAL BARANYUT.

AMON TAPECI ANDUN KA DUSUN DI ILO,GILIRAN ANDUN NGEPIT PANGANYO,GILIRAN MUDIK TAKATE ANSAP,OLEH NURUT PAKARE LINJANG…..........

MEMANG BANYAK PAKARE LINJANG,AMON KINI ANDUN BAMOTOR FIT,JALAN TAKATE LICIN,ITULH NAMENYE ZAMAN MAJU,SUEK LAGI ANDUN BAKARETO ANGEN,................

.

AMON DULU BASSINDO BA ADAP ADAPAN, DIBAWAH DUKU DIBAWAH PISANG,MUSIM EROK WANG BALAKI BINI,TAPI MIKAK LAH JAUH BABEDA,BUJANG GADIS BAKULE DAI JAUH,CUMA MAKAI KOTAK BABUNYI..............

ITULAH PENEMUAN IDUP,BAGILING NYARAGI RODA,KADANG DI PUCUK KADANG DI BAWAH,AMON WANG DULU BANYAK YANG MALANG,BUDAK KINI BANYAK BATUAH...........

DULU SARE NUNTUT JUDU,GADES SEGO IGEK DI RASAN,BANYAK PULEK JUDU DI PADU-PADU,OLAH BUDAK NURUT KATE WANG TUE,AMON TAPECI ZAMAN MIKAK,SUEK LAGI BUDAK ENDAK,BEBAS MILIK KENDAK ATI,SAME AKOR RASANAN JADI .....................

NASIB MALANG BUJANG PANGAYAU,LAH TANDANG BAJALAN JAUH-JAOH,MASAH LOM POPOK DI JUDU,AWAK BATAMBAH TUE MASIH DAK LAKU-LAKU,ITULAH AMEN IDUP SARE LAGIKE BUNTU...............

OI DULURKU GADIS BUJANG,JANGAN DIPAREKE JADI BUJANG PANGAYAU ANTAU,TUNTUTLAH JUDU SENANGAN ATI,AKOR RASAN GANCANG BAPADU AJAKLAH KUMA KETIP DINGEN PANGULU....................

SUEK UGHANG NDAK LAGI KAYAU-KAYAU,MIKAK BAIJE NUNTUT GAWE,AMON DAK ENDAK IDUP SARE,SALING KE LAH BAGAWE ANSAP-ANSAP,MASIH NANGGUNG,APA KE LAGI CUMA NGUKUR JALAN,NGABISKE OMOR OLEH LAYAU,PAYUH BAIJE KENCANG KE TULANG, AMON DAK ENDAK SARE PANJANG ...................

TERIMA KASIH OI WAK MAMAK NGEN KUPEK KUYUNG, CERITO KITEK LAH PANGAJUNG,AKU NDAK BAIJE TUGHUN PANGGUNG,AMON ADE ASEK TASINGGUNG , MAAF KE KAMI OI KUPIK KUYUNG,JANGAN NIA NGOTOK KADINGEN PUNTUNG,PACAK KU BAIJE TURUN PANGGUNG.........................

NASIB DAK BAGIAN JAUH

CIPTAAN: AMININ TRIO AMIGO

ASSALAMU’ALAIKUM WW

OI WAK MAMAK KUPIK KUYUNG,SEGALEK YANG LAH ADE DI SIKAK , KECIK BESOK TUE MUDE, AKU NUMPANG BACARITO,ENTAH BENO NIA ENTAH SALAH , IKAK CERITO WANG ZAMAN DULU,”NASIB DAK BAGIAN JAUH.

ANAK UMANG PIATU LEPAS,TAKEPER TAKAREDANG,MULAI DAI KECIK : AI IDUP SARE, NURUT KE WANG TUE DIAM DI DUSUN,KADANG MAKAN KADANG IDAK , NUNGGU PONDOK ATAP SAREDANG,ITULAH SANGKAN SARE LAGI KE NANGGUNG………..

OMOR ENAM TAUN DI TINGGAL BAPUK ,OMOR SEPULUH TAUN DITINGGAL INDUK, SUEK WANG BAKAL KE NGURUS,SANAK PAMEMAN BANYAK DAK AGAM,LANTARAN SARE SUEK DI RETE,CUMA ADE KEBON PARAH TUE KAPAN DI TAKU DAPAT LIME KILU

ABIS AGHAI MARAEH BULAN, ABIS BULAN MARAEH TAUN,AAK BATAMBA BESOK,PANCARIAN CUMA SALUBANG,NAFSU ENDAK BAUMA SUEK ONGKOS,TAMBAH AGHAI TAMBAH NANGGUNG ……………

UNTUNG TALABUH DINASIB UGHANG,MUJUR IDAK KENE DI TUBUK,AMON TAPECI KENE DI KITEK,KADEKIDAK NANGGUNG PULEK,SALALU BARAMEAN AYO MATEK.

MUNGKIN IAK TAKDIR TUHAN,NGUJI UMATNYE SUPAYO BAIMAN ,SUEK UGHANG TUGHUN KABOMI ENDAK SARE,APEKE LAGI BANASEP MALANG, UGHANG TATAWE TUBUK NYAMULUNG………….

AWAK BATAMBAH BESOK, TAFIKIR ENDAK MUKAK UTAN, NEBANG KAYU MAKAI BALIUNG, SUEK SANAK PAMEMAN TAPARE NULUNG, UGHANG BAUME BABIDANG – BIDANG, TUBUK CM BAUME SALONGKANG BATANG, KAPAN NGETAM PADI DAPAT CUMA TIGE KARUNG………

HASIL NGETAM JADI KE MUDAL , PANYAMBUNG IDUP BAKAL KEDEPAN ,SUEK UGHANG BAKAL KASIAN ,TAMASUK SANAM PAMEMAN , NGIJE KE IDUP MASING – MASING ,BATIUP , ANGEN KE JAWE,AMON NDAK IDUP PAYUH BARIJE................

NGELIK KAWAN SABAYE RATE BAKULE,TUBUK LUM PACAK LANTARAN SARE,NYUBO BAKULE GADIS SAKAMPUNG, TUBUK LINJANG WANG DAK LINJANG, WALAU DI RAYU MASIH DAK AGAM ,MUAT DAK PACAK TIDO MALAM,

KULE JALAN LINJANG MINTAR BALAKI,TIMBUL TUBUK MULE – ULE,AWAK RENANG DISANGKO GILE,ITULAH AMON IDUP SARE,GADIS EJAT DAK NGALALE......................

OI ADIK KU GADIS BUJANG , AMON LAH TAU SARE KENCANG KE TULANG, BAGAWE RAJIN – RAJIN,JANGAN NGANDALKE RETE BAPUK,SUKUR FIKIRAN MASIH WARAS,PANGELIK PASAT – PASATKE FIKIR KEDEPAN, AMON DAK ENDAK JADI SESALAN……………

BARUNTUNG NASIB KITEK BELUM MALANG , IDUP SARE JANGAN NYALAHKE UGHANG LUM POPOK DI JUDU BATUNTUT DULU, SAME AKOR KENE DI KENDAK, JANGAN LALI DI BAIK INDU BAPUK.

LAH BANYAK NIA UGHANG BANASIB DAK BAUNTUNG, NUNGGU DUNIA BATAMBAH NANGGUNG , SEGALEK ITU TAKDIR TUHAN, BAUSAHA JANGAN LALI , AMON DAK ENDAK DIMASO TUE PEDIH ATI…..

AI BANASIB DAK BAGIAN JAUH , WALAU LAH BAGAWE ANSAP – ANSAP , MASIH SUKAR NGUBAH NASIAB , APE KELAGI SEGAN NGENCANG KE TULANG, ITU ALAMAT BAKAL SARE PANJANG…………….

BALIK CERITO WANG DAK BANASIB ,,, BAKULE BAE DAK BAGADAI , MANE KERASAN LAKAR KE SAMPAI, SUEK WANG ENDAK LINJANG DI WANG SARE, RATE MILIH WANG BAJIK,TAPI AMON IDAK SAREMBAK DINGEN BAGIAN , GONUNG JUGEK BAKAL TAKEBAN………..

MAKE NYE IDUP ENDAKLAH SABAR, SELALU BADO’A KEPADE TUHAN, GALAK NGAJI SERTE SEMBAHYANG, SUPAYO FIKIRAN DAK MELAYANG , NGALABABE KILO KULU,BAGAWE SEGAN TAMBAH BUNTU.

WALAU ANAK YATIM PIATU,SEGALEKNYA ADE REZEKI DIENJUK TUHAN , AMON KITEK MEMANG BAIMAN , ADE BAE JALAN REZEKI, ASAL BASONO PACAYE DIRI………..

NASIB KITEK DAK BAUBAH ,AMON FIKIRAN SEMPIT SERTE SUSAH, COBO BAPINTEK TENGAH MALAM ,MUJUR DAPAT PETUNJUK TUHAN,JANGAN NYAME KE UGHANG BATUAH, MALENGGAK KAPUCUK KELIK KABAWA PANDANG KE PULEK KIDAU KANAN,………….

WALAUPUN SARE LAGI KE SUSAH ,GALAK –GALAK BASADEKAH,NGAPE SALALU DINGGAP PANYAKIT, OLEH ADE REZEKI JADI PELIT, ITULAH HARTE DAK BARKAT, APE LAGI DAPAT DINGEN JALAN SESAT, ANAK CUCUNG LAKAR………………

KEPADE SEGALEK HADIRIN DI SIKAK , AKU BUKAN NDAK NDAK JADI GURU , AMON SALAH MAAFKE AKU,OI WAK MAMAK KUPIK KUYUNG , AKU NDAK BAIJE TUGHUN PANGGUNG, MAAE KE AKU AMON TASINGGUNG, JANGAN NGOTOK KADINGEN PUNTUNG……………..

TERIMA KASIH.