Senjang Musi Banyuasin di 08.45

bujang ranggonang tetap tekenang
dai dulu sampek ma' ikak
kami badue numpang basenjang
numpang bekate numpang bebase
ngibur sanak ilo sampek ulu
ngobat ati penawar indu

danau cala gadis bekumpul
bujang datang dai seberang
mikat janji nak betemu
alangke ribang ati kami
nelek pengantin besanding badue
nyeragi raje ngen permaisuri

ikan baung lagi di salai
ikan lais di buat pundang
kalu adek ke negeri ughang
cak manelah amon aku indu
kalu adek ninggalke kuyung
suek ganti jadi bujang tue

sanak ngen dulur serasan nian
bekumpil besame begotong royong
oi bibik ku bujang dusun
baek perangi sopan ughangnye
kalu di ambek jadi menantu
abak umak dak kade lapo

bekenal gadis di malam ari
malamnye putih siangnye gersang
bepupur tebal due senti
pakek bedak belapis jelly
mon keruamke gisok pagi
mekan putih panu di pipi

kami bepesan ngen kuyung-kuyung
nuntut kule yang bebeno
suek gunek die rengke
amon kagek merko ngen umak
laki sembahyang kene terajang
mon keruanke patah pinggang

sanga desa ngoncok ke ulu
lewat dai jembatan beruge
nuntut madu obat penawar
untuk adek,adek tersayang
lagi gadis jangan galak mel;amun
lambat rejeki lambat pulek jodoh

tebing bulang ,gajah mati
tempatku lera nyenangke diri
sampek di sikak kami basenjang
mon ade salah mintek ma'af
mon beno terime kasih
kalu bejodoh betemu lagi